ക്രീം വേണ്ട, മുഖക്കുരുവിന് തുളസി തന്നെ പ്രതിവിധി

Skin Care: ആരാധനക്കെടുക്കുന്ന ഇലകൾ എന്നതിലുപരി തുളസിയിലയ്ക്ക് ധാരാളം ഔഷധ ഗുണങ്ങളുണ്ടെന്ന് അറിയാമോ? ദന്താരോഗ്യം, ശ്വാസകോശ സംബന്ധമായ അസുഖങ്ങൾ കുറയ്ക്കുക തുടങ്ങി ഒട്ടനവധി ആരോഗ്യ ഗുണങ്ങൾ അതിനുണ്ട്. ഇതേ തുളസിയില ചർമ്മ സംരക്ഷണത്തിനും ഉപയോഗിക്കാം എന്ന് അറിയാമോ?. ആൻ്റി ഇൻഫ്ലമേറ്ററി, ആൻ്റി സെപ്റ്റിക്, ആൻ്റി മൈക്രോബിയൽ ഗുണങ്ങൾ അതിനുണ്ട്. അവ മുഖക്കുരുവിന് എതിരെ പോരാടുന്നു.

Also Read: സൺ ടാൻ പൂർണമായും മാറ്റാം, ഒറ്റ ഉപയോഗത്തിൽ ചർമ്മം തിളക്കമുള്ളതാകും; ഒരു സ്പൂൺ കാപ്പിപ്പൊടി കൊണ്ടുള്ള ഈ​ വിദ്യ ട്രൈ ചെയ്തു നോക്കൂ

വിറ്റാമിനുകളായ എ, സി, കെ, അതുപോലെ മാംഗനീസ്, കോപ്പർ, കാൽസ്യം, ഇരുമ്പ്, മഗ്നീഷ്യം, ഒമേഗ -3 കൊഴുപ്പുകൾ എന്നിവ അടങ്ങിയിട്ടുള്ളതിനാൽ തുളസി മികച്ചൊരു ചർമ്മ സംരക്ഷണ സസ്യമാണെന്ന് ഡെർമറ്റോളജിസ്റ്റുകൾ പറയാറുണ്ട്. എന്നാൽ ചർമ്മ പരിചരണത്തിന് അത് എങ്ങനെ ഉപയോഗിക്കും? ഈ വിദ്യകൾ പരീക്ഷിക്കൂ.

തുളസിപ്പൊടി

നിറം മങ്ങിയ ചർമ്മത്തിൻ്റെ പ്രധാന കാരണം മൃതകോശങ്ങളും ടാനുമാണ്. കൂടാതെ ചർമ്മ സുഷിരങ്ങളിൽ അടിഞ്ഞു കൂടിയിരിക്കുന്ന അഴുക്കും അമിതമായ എണ്ണ മയമവും മുഖക്കുരുവിലേയ്ക്കു നയിക്കുന്നു. ഇവ കുറയ്ക്കുവാൻ ഒരു മികച്ച ക്ലെൻസർ ആവശ്യമാണ്. തുളസി ഇല ചർമ്മ ശുദ്ധീകരണത്തിന് ഫലവത്തായി പ്രവർത്തിക്കുന്നു. ഇതിനായി തുളസിയില ഉണക്കിപ്പൊടിച്ചെടുക്കാം. 

Also Read: 30കളിലും ചർമ്മം യുവത്വത്തോടെ തിളക്കമുള്ളതായിരിക്കും, ഈ നാല് ചേരുവകൾ കൈയ്യിലുണ്ടെങ്കിൽ

തുളസി തൈര്

തുളസിയില പൊടിച്ചതിൽ നിന്നും കുറച്ച് ഒരു ബൗളിലെടുക്കാം. അതിൽ തൈര് കൂടി ചേർത്തിളക്കി യോജിപ്പിക്കുക. ഇത് മുഖത്ത് പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

തുളസി ആര്യവേപ്പ്

തുളസിയിലക്കൊപ്പം ആര്യവേപ്പിൻ്റെ ഇലയും രണ്ട് ചെറിയ കഷ്ണം ഗ്രാമ്പൂവും ചേർത്ത് അരയ്ക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

Also Read: ദിവസവും ഉറങ്ങുന്നതിനു മുമ്പ് ഇതിലൊന്ന് ഉപയോഗിച്ച് മുഖം കഴുകൂ, ചർമ്മം പൂപോലെ സോഫ്റ്റും തിളക്കമുള്ളതുമാകും

തുളസി ഓട്സ്

ഒരു സ്പൂൺ തുളസിയില അരച്ചതിലേയ്ക്ക് ഒരു സ്പൂൺ ഓട്സും ഒരു സ്പൂൺ പാലും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടാം. ഉണങ്ങിയതിനു ശേഷം മൃദുവായി മസാജ് ചെയ്ത് തണുത്ത വെള്ളത്തിൽ കഴുകി കളയാം.

തുളസി നാരങ്ങ

ആര്യവേപ്പിലയിലേയ്ക്ക് തുളസിയില ചേർത്ത് നന്നായി അരയ്ക്കാം. ഇതിൽ നാരങ്ങാനീര് ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 10 മിനിറ്റ് വിശ്രമിക്കാം. ശേഷം തണുത്ത വെള്ളം ഉപയോഗിച്ച് മുഖം കഴുകാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചെറുപയർ കൈയ്യിലുണ്ടോ? മുഖം കഴുകാൻ ഫെയ്സ് വാഷ് തയ്യാറാക്കാൻ അത് ഒരു സ്പൂൺ മതി